Dopo cuasi 150 agns di storie, dal 2015 il Museu al à une sede definitive inte aree dal ex Macel comunâl di vie Sabbadini, un complès di archeologjie industriâl, organizât in orizontâl suntune aree di 25.000 m².

Si trate di une rielaborazion ancje concetuâl dai spazis: di Macel a lûc di cognossince de nature, de storie de tiere e dal om, cun laboratoris didatics, areis verdis convertidis in museus tal viert, dipuesits, archivis e uficis, vierts ae cognossince di ducj.