Lis colezions storichis che a àn dât vite al Museu Furlan di Storie Naturâl si son insioradis cun ce che al è rivât des scuelis de citât e dai laboratoris dal Istitût Tecnic ‘A. Zanon’. Il patrimoni di cognossincis sientifichis che al è la fonde di chest museu al ven dal impegn sul cjamp di studiôs za atîfs sul finî dal Sietcent, tant che Giuseppe Carlo Cernazai e Girolamo Venerio e, plui tart, di chei leâts al Istitût Tecnic ‘A. Zanon’ e ae scuele gjeografiche taliane, in particolâr Ardito Desio, Giovan Battista De Gasperi, Lodovico di Caporiacco, Egidio Feruglio, Michele Gortani, Giovanni e Olinto Marinelli, Camillo Marinoni, Francesco Musoni, Giulio Andrea Pirona, Torquato Taramelli, Achille Tellini, Annibale Tommasi e Graziano Vallon.