La colezion e a 690.000 reperts, tra esemplârs di invertebrâts preparâts a sec (tant che lis colezions entomologjichis e la colezion malacologjiche), e racueltis in alcul che a cjapin dentri soredut crustacis, aracnidis, larvis di insets e altris reperts.
I lûcs di divignince dai reperts a son diferents:
- teritori regjonâl o dal Nordest talian,
- teritori talian,
- paîs europeans,
- continents extraeuropeans.
Inte colezion a son ancje racueltis storichis, tant che:
- la racuelte di coleotars italics di A. Gagliardi,
- la racuelte aracnologjiche di L. di Caporiacco,
- lis racueltis lepidoterogjichis di M. Gortani e G. Patuna.
La colezion Gagliardi e je formade di reperts di coleotars di divignince taliane e massime locâl cjapâts sù di Aldo Gagliardi (1883-1969). Si trate di une colezion une vore impuartante a nivel storic e sientific, che e costituìs une rapresentance significative de faune coleoterologjiche taliane.
I reperts a son stâts studiâts dai plui grancj entomolics talians dal timp, tant che G. Müller, E. Gridelli, A. Schatzmayr, G. Binaghi, e di altris specialiscj forescj innomenâts. La cualitât une vore alte de preparazion a sec e de conservazion le rint une colezion di grant rilêf ancje dal pont di viste museologjic. La colezion e je conservade in doi armârs origjinâi fats sù di pueste: il prin al ospite i carabidis e i cicindelidis, il secont dutis chês altris fameis.
Via Cecilia Gradenigo Sabbadini
22-32, 33100 Udine
Cemût rivâ al museu
0432 1273211
IT 
DE 
FR 
EN 