Il secont percors espositîf - pal moment ancjemò in progjetazion preliminâr – al analizarà il passâ dal timp de origjin de Tiere a vuê, une descrizion de storie gjeologjiche dal teritori furlan che e rive fin ae prime presince dal om documentade in Friûl.

Il popolament preistoric dal nestri teritori al permet, di fat, di frontâ argoments contemporanis: sostignibilitât, cambiaments climatics, impat dal om sul ambient tacant des primis trasformazions ambientâls puartadis dal Homo sapiens fin a rivâ a fevelâ di Antropocen.