L’Archivi “Ardito Desio” al è un fonts privât costituît di un patrimoni eterogjeni di documents, libris, fotografiis, cartografiis, stampis e ogjets personâi che a son stâts di proprietât e/o metûts adun e conservâts dal gjeolic furlan Ardito Desio. Al cuvierç un interval di timp che al cjape dentri plui di un secul e prime di rivâ a Udin al jere conservât inte sede dal CAI di Rome e in part te cjase de fie Maria Emanuela Desio, che tal 2018 e à volût afidâlu in comodât al Museu Furlan di Storie Naturâl.
L’Archivi al è stât declarât di interès storic daûr dal D.L. 42/2004, articui 12-15 de bande de Sorintendence Archivistiche dal Lazi ai 5 di Març dal 1999.
Ardito Desio al è stât un gjeolic, esploradôr, ricercjadôr e academic furlan. In Italie e tal mont il so non al è deventât famôs pe spedizion sientifiche alpinistiche sul Karakorum che tal 1954 e à puartât ae concuiste dal K2. Al è stât protagonist di une vore di spedizions in cetantis bandis dal mont, in Afriche, Asie, Antartide e Americhe.
Via Cecilia Gradenigo Sabbadini
22-32, 33100 Udine
Cemût rivâ al museu
0432 1273211
IT 
DE 
FR 
EN 