- STORIE DAL FRIGORIFAR DAL FRIÛL

Udin, Març dal 1922: daûr di une dinamiche in vore in dute Italie, si scree il Frigorifar dal Friûl intune aree margjinâl invezit che tal centri citadin.
Dongje di chel, doi agns dopo, si zonte l’implant dal Macel comunâl.
 
Un implant industriâl, che in dì di vuê al è un ben culturâl vincolât tant che testemoneance di archeologjie industriâl, là che a son stadis dopradis soluzions costrutivis funzionâls: une struture di ciment armât e di modon cun lastris di sûr par isolâle. La tecnologjie doprade par disfredâ si fondave su la evaporazion direte de amoniache.

Frigorifero del Friuli
Frigorifero del Friuli
Frigorifero del Friuli
Macello comunale
Macello comunale
Macello comunale

- STORIE DAL MACEL COMUNÂL

Il complès, progjetât di Ettore Gilberti (1876-1935), al è stât fat sù intun an.
Al jere formât di diviers edificis (direzion, uficis, macel di contumacie, stalis, salis di macelazion, tetoiis di presentazion e ricovar pai cjars) colegâts tra di lôr midiant di viâi e slargjâts suntune superficie di 25.000 m².
 
Plui tart, cheste aree e je stade colegade ancje cu la ferade.
Sometûts a vincul intal 1991 pal lôr interès storic e artistic particolâr, i complès dal Frigorifar dal Friûl e dal Macel a deventin ogjet di progjetazion pal lôr recupar cun finalitâts diferentis.
Tal 2015 l’ex Macel al devente sede dal Museu Furlan di Storie Naturâl.

- ETTORE GILBERTI

Il progjet di realizazion dal Macel comunâl al è stât dât a Ettore Gilberti (1876-1935), udinês, laureât tal Politecnic di Milan sot de vuide di Camillo Boito.

Tra il 1922 e il 1935 al à vût ancje altris incarics une vore prestigjôs a Udin, tant che la progjetazion di Palaç Angeli in Marcjât Vieri, Palaç Vuga, Palaç dal Cine Odeon e il Parc de Rimembrance.

Recupero architettonico dell'edificio

- IL RECUPAR ARCHITETONIC DAL EDIFICI

Il recupar architetonic di une part dai edificis dal ex Macel, doprâts in dì di vuê tant che uficis, biblioteche specializade, Archivi ‘Ardito Desio’ e Dipuesit di Paletnologjie e Gjeopaleontologjie dal Museu Furlan di Storie Naturâl, al è stât pussibil

ancje in graciis dai Progjets Interreg Central Europe ‘CEC5’ e Alpine Space ‘ALPGrids’ che a àn tant che obietîf chel di miorâ la eficience energjetiche dai imobii, cun:
- implants fotovoltaics
- lastris di veri che a doprin la lûs naturâl
- cjalderie a condensazion
- implant di iluminazion a alte eficience cun elements iluminants che a consumin pôc.

I edificis dal Museu, cun altris trê imobii comunâi, a rapresentin une comunitât energjetiche locâl: a produsin di bessôi e a consumin energjie rinovabile coletive, di mût di vê une autonomie energjetiche e, tal câs che a ‘nt vedin di plui, di trasferîle a altris.

- IL PROGJET DI PREPARAZION DAL GNÛF MUSEU

Vê di doprâ edificis diferents e separâts, ancje se colegâts di un coridôr, al à rapresentât une sfide interessante par meti sù il Museu te aree industriâl dal ex Macel.
Il prin percors progjetât par realizâlu intal edifici che cumò si è daûr a recuperâ, al è chel dedicât ae cognossince dai habitats presints in Regjon e ae biodiversitât.
Il secont percors espositîf – par cumò ancjemò te fase di progjetazion
- al tratarà la evoluzion de vite, de origjin de Tiere a vuê, e il rûl dal Om inte Nature, tacant des primis trasformazions ambientâls fatis dal Homo sapiens tal Antropocen.
Progetto di allestimento del nuovo Museo

Via Cecilia Gradenigo Sabbadini
22-32, 33100 Udine
Cemût rivâ al museu

0432 1273211
This email address is being protected from spambots. You need JavaScript enabled to view it.
This email address is being protected from spambots. You need JavaScript enabled to view it.