I passe 100.000 campions che in dì di vuê a formin la sezion gjeopaleontologjiche a son dividûts in dôs grandis colezions: la colezion gjenerâl e la colezion furlane. La seconde e je chê plui impuartante e siore, ancje graciis aes cundizions gjeologjichis complessis dal teritori furlan.

Tra lis colezions storichis che a son rivadis fin a vuê si àn di ricuardâ la Zuccheri di pes di Bolca, la Cabassi (400 fossii che a son rapresentatîfs dal Eocen medi di Navuacs e di Cuar di Rosacis) e la Gortani di fossii de Carinzie.

La part plui di rimarc dal pont di viste sientific e je chê dal Triassic superiôr di dulà che a rivin i rescj dai retii volants plui antîcs mai discuvierts fin cumò. Chescj nivei nus àn dât fûr une faune cun vertebrâts une vore siore, massime di pes ma ancje di retii di tiere, in plui che crustacis, vegjetâi e invertebrâts rârs ma impuartants, tant che par esempli un ragn une vore piçul.

Un pôc plui antîcs a son i dipuesits – simpri cun vertebrâts – di Rabil, Fusee e Dogne.

Di segnalâ ancje la grande colezion di amonoits triassics, lis faunis cretacichis e, soredut, chês paleozoichis.

Consulte la bibliografie di Gjeologjie dal Friûl-Vignesie Julie .