Cheste esposizion sientifiche e divulgative e invide a scuvierzi un dai leams che a son tra nature e culture. Midiant di un percors plen di sugjestions, la cooperazion si palese tant che motôr de evoluzion e de ecelence, pandint analogjiis e diferencis che a maravein tra doi monts une vore lontans, ma ben peâts tra lôr. La mostre e marche la impuartance de ricercje sientifiche, e vûl stimolâ il dialic tra dissiplinis diferentis e invidâ a lâ insot di temis che a puedin judâ a capî miôr il nestri mont.

TERITORIS DI COMUNITÂT. 
IL VALÔR DE COOPERAZION

Il percors al esplore il leam profont tra paisaç e comunitât, evidenziant cemût che il teritori al sedi stât modelât no dome par praticitât, ma ancje par finalitâts simbolichis e sociâls.

Di fat, i tumui e i cjastelîrs furlans no son dome semplicis testemoneancis archeologjichis, ma a dissegnin une idee di comunitât dulà che la cooperazion e à un rûl fondamentâl. La costruzion dal cuel dal Cjistiel di Udin e je un câs esemplâr che al documente la impuartance de planificazion e de condivision di risorsis e di competencis.

Un messaç che al travierse i timps e che al ispire il progjet di candidâ il cuel dal Cjistiel di Udin, i tumui e i cjastelîrs furlans tant che patrimoni Mondiâl de Umanitât.

Sant Svualt: la mutare prime dal sgjâf (Laboratori di Protostorie, Universitât dal Friûl)
Sant Svualt, sgjâfs dal an 2000 (Laboratori di Protostorie, Universitât dal Friûl)

MEMORIE INTAL PAISAÇ

Te Ete dal Bronç Antîc, dilunc di une fasse largje cirche 10 chilometris, tra la Tor e il Tiliment, te Alte planure furlane a jerin desenis di mutaris e cualchi abitazion fortificade, i "cjastelîrs".

Lis mutaris a son culinutis artificiâls di 25-30 metris di diametri, altis cirche 6,5-7 metris: vuê a 'nt son restadis pocjis. A jerin lis sepulturis di oms impuartants des comunitâts dal Bronç Antîc e a van indaûr al principi dal II mileni p.d.C., o sedi, prime dai cjastelîrs. In cualchi câs, chescj tumui a àn mantignude la lôr impuartance par secui, cun significâts e funzions diferentis: tra i secui XIX e XII p.d.C. no vevin plui dome un rûl funerari, ma a jerin ancje simbul dal control teritoriâl des comunitâts che ju vevin fats sù, funzion che dopo e sarà dai centris abitâts fortificâts. In plui, a jerin lûcs di incuintri e di celebrazion, ponts di osservazion e di riferiment intai percors di scambi.

I cjastelîrs furlans si son disvilupâts subit dopo e si son difondûts massime te Ete dal Bronç Medi. Une ecezion e je il cjastelîr di Sedean dulà che, dentri dal teraplen, a son stadis scuviertis cinc sepulturis che si puedin datâ tra il 1900 e il 1600 p.d.C. Il disvilup plen dai cjastelîrs al va indaûr ae Ete dal Bronç Medi cu la fondazion dai cjastelîrs di Udin, Varian di Basilian, Gjalarian di Listize e Savalons di Merêt di Tombe. In etis sucessivis, a son stâts fats sù altris cjastelîrs dilunc de fasse des risultivis e dacîs dai flums. Tra la fin dal Bronç Medi e il principi dal Bronç Resint (secui XIV-XIII p.d.C.) si son difondûts in maniere capilâr in dute la Basse planure furlane.

CONESSIONS

Al somee che la difusion dai cjastelîrs e vedi tignût cont de presince des mutaris antighis, che dispès a jerin intune posizion intermedie tra un cjastelîr e chel altri, cuasi a marcâ i confins tra i teritoris des diviersis comunitâts. Di cemût che si son difondûts i centris abitâts, al somearès che ogni grup al ves une cussience clare – salacor ancje rispiet – des areis di pertinence di ognidun; te fase plui antighe dal fenomen (Bronç Medi), lis distancis si son stabilizadis in maniere regolâr tra i 8 e i 10 chilometris.

Distribuzion gjenerâl dai cjastilîrs e des mutaris. Il sît di Udin al è marcât cuntun cuadrât ros (di Pizziolo 2024)

UDIN MILENARI

Daûr dai risultâts des ricercjis archeologjichis, l'abitât protostoric di Udin si slargjave bande Sud e Ovest dal cuel di Udin, dal atuâl Marcjât Vieri (vie Mercatovecchio) fin al ex ospedâl civîl, e dal Borc di Sant Bortolomiu (vie Manin) fin ae glesie di Sant Francesc.

Cuntune continuitât insediative di cirche mil agns, o sedi de Ete dal Bronç Medi fin al principi de seconde Ete dal Fier (1500-500 p.d.C. cirche), al è l'insediament fortificât plui grant e complès de protostorie furlane. Fat sù suntune culinute, al veve une estension di cirche 20 etars – di cinc a dîs voltis plui grant dai centris abitâts de stesse ete, logâts te plane – e al jere delimitât di un teraplen e di un fossâl. I rescj si conservin a pocje profonditât, par vie de posizion plui elevade e ben drenade de alture, che e à parât la aree des aluvions, ma che ancje, dilunc dal timp, e à permetût la erosion dai nivei protostorics che po dopo a son stâts modificâts de urbanizazion medievâl.

Tra lis struturis che a son stadis scuviertis a son fuessis di scaric, busis di pâl e poçuts, materiâi di crep, imprescj pal fûs, pês di telâr, rescj di mûrs di cjanis e paviments di cuet che nus dan la idee de vite di cjase. Fin cumò a son stadis cjatadis dôs abitazions. Une cjase e va indaûr ae Ete dal Bronç Resint, e je sot dal Palaç Mantica, cun plante retangolâr, lis parêts di len e un fogolâr, ristruturâts plui voltis; une altre cjase e je te place dai Lens (place Venerio), e à une stanzie dipuesit tal plan in tiere par mantignî lis risiervis alimentârs, e e je stade distrute di un fûc a cjaval dai secui VI e V p.d.C. Sot dal Palaç Dorta, invezit, e je stade cjatade fûr une aree artesanâl par fondi piçui ogjets di bronç, ative de Ete dal Bronç Medi fin ae prime Ete dal Fier. No son stadis identificadis cun sigurece necropolis, ma cualchi ogjet, par esempli dôs fiubis cjatadis in Zardin Grant (place Prin di Mai) e a Planis e une manarie cjatade in Viâl Ongjarie, a somearessin peadis a contescj funeraris de Ete dal Fier, vuê pierdûts.

I contescj cjatâts cui sgjâfs urbans di Udin (Laboratori di Protostorie, Universitât dal Friûl)

Dissen che al ricostruìs i rescj plui profonts dal teraplen (dissen F. Zendron)
Ricostruzion ipotetiche de tecniche doprade inte seconde fase par slargjâ il teraplen (dissen F. Zendron)

PAR DIFINDI IL CUEL

Sot dal Palaç Mantica al è stât cjatât un toc piçul de roste origjinarie, che si è mantignût par une altece tra i 80 e i 120 centimetris, de bande sudorientâl dal cuel dal Cjistiel. Ancje se i dâts che o vin a son pôcs, te ete che e va dal Bronç Medi al Resint (secui XIV-XIII p.d.C.) la cente di difese di Udin e veve za di vê une grandece monumentâl. Il sgjâf archeologjic al à evidenziât che la costruzion e je stade fate in trê moments diferents, simpri cun grande braùre tecniche. La part centrâl origjinarie dal teraplen e je stade slargjade une prime volte midiant de tecniche de "tiere armade": grandis cassis di len plenis di grave, pantan arzilôs e cogui disponûts sui nivei plui alts a scachiere, cualchi volte cun elements plui piçui voltâts di 45°. Struturis di len intieradis a funzionavin tant che barieris di stabilizazion e a garantivin la soliditât e la coesion interne de costruzion.

INZEN E COOPERAZION

Tes fasis avanzadis de costruzion dal teraplen si dopravin struturis plui lizeris: armaduris di len fatis cun scjaipulis grandis jempladis di materiâi contignûts dentri di sacs o di zeis. Fasint une stime, se ogni dì 100 operaris a vessin movût cirche 1 metri cubic di tiere ognidun, i varessin metût tra i 2 agns e mieç e i 4 par finî il lavôr.

PODÊ E PAISAÇ

Il cuel dal Cjistiel si jeve tal mieç di Udin, visibil di ducj i cjantons de citât: al è une presince imponente, isolade, alt cirche 30 metris, cuntune base di 200 metris di diametri.

Cheste alture e domine il paisaç urban e di secui e je un dai simbui plui innomenâts, no dome de citât, ma di dute la regjon. Il cuel al à ispiradis une vore di liendis, contis popolârs e ipotesis apassionantis che dilunc dal timp no àn mancjât di stiçâ la curiositât dai studiôs. Lis ultimis indagjins archeologjichis e gjeoarcheologjichis (2020-2022) a àn sclaride la sô nature: e je une struture fate dute dal om midiant strâts di glerie e arzile metûts un sore di chel altri, stabilizâts cun struturis di len. Un rilêf (par inglês " mound") monumentâl, che si pense che al contegni tra i 400.000 e i 450.000 metris cubics di sediments.

Sezion stratigrafiche dal cuel dal Cjistiel di Udin (modificade di Fontana e altris tal 2023)

Daûr des datazions disponibilis, al à di jessi stât fat sù a cjaval tra la Ete dal Bronç Medi e chê dal Bronç Resint (cirche 1400-1300 p.d.C.). Al somee che la costruzion di chest cuel cetant imponent e sedi stade un progjet unitari: il materiâl par fâ sù la culinute si lu varès cjatât sgjavant tal spazi li che vuê al è Zardin Grant, gjenerant intal stes timp un sfuei artificiâl di aghe a servizi dal centri abitât protostoric di Udin. Une opare planificade che e garantive un pont strategjic di osservazion e di control dal teritori, fate sù par dâ une prove concrete de potence de comunitât.

PROGJET DI COMUNITÂT

La interpretazion plui resinte dai dâts gjeoarcheologjics che a integnin il cuel dal Cjistiel di Udin a àn palesâts i aspiets plui impuartants di un progjet che al è stât planificât in mût straordenari: pe sô costruzion e je coventade la cooperazion organizade di dute interie la comunitât. Par modelâ cheste alture imponente – une struture a forme di tronc di coni, cun rivis a teracis – a son stâts puartâts dongje tra i 400.000 e i 450.000 metris cubics di sediments, rigjavâts prime di dut de aree che vuê e corispuint a place Prin di Mai (Zardin Grant). Lis dimensions monumentâls e la complessitât de opare a evidenziin une planificazion detaiade des fasis di costruzion, l'ûs di tecnichis ben cognossudis e di operaris specializâts impegnâts par tant timp. Daûr des stimis che o rivìn a fâ vuê, se a fossin stâts impleâts cun continuitât 100 operaris, la costruzion e sarès durade cirche 10-12 agns; cun 300 operaris, 3-4 agns; invezit, cun 500 si varès podût finîle in pôc plui di 2 agns, tra i 26 e i 30 mês.

Par fâ sù il cuel a son stâts puartâts dongje rudinaçs par

450.000 m³

Ipotesi di trop timp che al è coventât

10 agns

100 operaris

Ipotesi di trop timp che al è coventât

2 agns

500 operaris

Ete dal Bronç
comunitâts di

100 personis

In dì
tiere mote
cun zeis

1 m³

1700 d.d.C.
rudinaçs puartâts dongje

1500 m³ 

32 dîs

48 operaris

COLABORÂ

Tignint cont des dimensions piçulis des comunitâts furlanis te Ete dal Bronç – ognidune e veve cualchi centenâr di personis – al è pussibil che par costruî  il cuel dal Cjistiel di Udin a vedin contribuît operaris rivâts dai insediaments dongje. Intune societât preindustriâl, che e doprave dome imprescj di len, di cuar e zeis, si pense che ogni operari al podès movi cirche 1 metri cubic di tiere in dì. Chest dât teoric al è stât provât ancje in timps resints: tal 1700, par bonificâ il sfuei che al jere tal spazi dal Zardin Grant (place Prin di Mai), 48 operaris cun palis di fier a son stâts 32 dîs par movi 1500 metris cubics di tiere, cuntune medie in dì a cjâf une vore simile di chê stimade pe ete protostoriche.

IL DILEME DAL ALTRUISIM.
A CE COVENTIAL L’ALTRUISIM INTE NATURE?

Pai oms, l’altruisim al è un concet che al compuarte implicazions etichis e domandis filosofichis: une azion e je altruistiche cuant che si le fâs cul fin di judâ cualchidun altri.

Pai oms, l’altruisim al è un concet che al compuarte implicazions etichis e domandis filosofichis: une azion e je altruistiche cuant che si le fâs cul fin di judâ cualchidun altri. Isal alc di simil ancje intes altris speciis? L’altruisim intal mont dai nemâi al è un compuartament ancjemò studiât dai sienziâts e che al reste in part misteriôs. Al è un fenomen dificil di definî che al somearès lâ cuintri lis fondis de teorie de evoluzion.  Charles Darwin, intant che al studiave i sistemis sociâi dai imenotars (âfs, jespis, furmiis) si jere cjatât devant di un dileme che al varès podût meti in discussion la sô teorie. Il fat che tra i insets a esistin castis interiis “altruistichis”, vâl a dî, che a rinunziin a riprodusisi par dedicâsi al ben de comunitât, al contraste cul principi de selezion naturâl “dal plui adat”, o sedi dal individui cun plui sucès riprodutîf. Par Darwin, chest dileme al fâs vignî fûr domandis fondamentâls pe sience, no dome sui insets, ma ancje su la societât plui complesse di dutis, chê umane.

'Cui che al è pront a sacrificâ la sô vite pitost che tradî i siei compagns, dispès nol lasse dissendents che a ereditin la sô nature nobile'.

C. Darwin, L’origine dell’uomo, 1871

L’altruisim al pues jessi une sielte eficace, che e puarte une vore di beneficis, e no je une prerogative dome dal om: al contrari, ancje mamifars, uciei, pes e fintremai invertebrâts e microorganisims “a son bogns” di jessi altruiscj.

LOTE O COOPERAZION?

Ce diference ise tra un lôf solitari e un chel al vîf intal branc?

Dispès o pensìn che lis speciis cuntun compuartament sociâl complès a sedin in cualchi maniere plui evoludis. No par nuie, noaltris si considerìn il pont plui alt de evoluzion! In realtât, la vite sociâl e je une vore cjare. Lis bestiis che a vivin in trop a àn di competi cui lôr simii pal spazi, pe mangjative, pal compagn o pe compagne, e a àn plui facil cjapâ epidemiis.

Duncje, la competizion e la lote sono i unics motôrs de evoluzion?

Il filosof e zoolic rus Pëtr A. Kropotkin al pensave che l’aiût vicendevul al fos une leç de vite animâl tant che la lote, e che anzit, al fos plui impuartant pai beneficis che al puarte ae specie che lu pratiche.

'O ai viodût dapardut tante vite animâl. Par esempli intai lâcs dulà che desenis di speciis e milions di individuis si dan adun par tirâ sù la lôr prole; intes coloniis di roseadôrs; intes migrazions dai uciei che in chê volte si viodevin dilunc dal Ussuri […]: in dutis chestis senis di vite animâl che o vevi devant dai voi, o ai viodût l’Aiût Vicendevul e la Solidarietât Reciproche'.

P. A. Kropotkin, Il mutuo appoggio. Un fattore dell’evoluzione, 1902

Di fat, lis bestiis a puedin judâsi in plui manieris cuant che a vivin insiemi.

Duncje, la sielte de vite sociâl si fonde suntun belanç costant tra coscj e beneficis. E je dute une cuistion di ecuilibri. Cuant che un compuartament al à un vantaç  imediât pal individui, si fevele di cooperazion, par esempli te cjace o tal difindisi dai predadôrs. Invezit, cuant che un sogjet si compuarte in mût altruistic par vê dopo une ricompense, si fevele di reciprocitât: un esempli al è il câs dal grooming, ven a stâi cuant che si gjavisi i pulçs a vicende. In altris peraulis, la detule “trate il to prossim come che tu volaressis jessi tratât tu” o, dit in maniere plui ciniche, “nancje il cjan nol mene la code dibant”, al vâl ancje intal mont animâl.

PRONT SOCORS

Lis furmiis “Matabele” ( Megaponera analis) a socorin lis lôr compagnis sul “cjamp di bataie”. Lis traspuartin al sigûr tal furmiâr e li lis curin lecantlis par tant timp. Il tratament al è dome pai esemplârs che a àn buinis probabilitâts di sorevivi.

L’AIÛT VICENDEVUL

Duei, bataiis e fintremai vueris, par esempli tra lis furmiis e lis termitis: la nature no sparagne esemplis dulà che la competizion tra individuis e tra speciis e devente spietade.

Ma ancje tra speciis diferentis a esistin rapuarts che si fondin su la colaborazion, o almancul, su la tolerance reciproche: in chescj câs, lis speciis si “scambiin” tra di lôr risorsis e “servizis”. Chescj rapuarts a puedin jessi ocasionâi, o luncs, o fintremai necessaris pe sorevivence dai organisims interessâts: par esempli, cuant che dôs speciis a son obleadis a vivi in simbiosi, o sedi in mût une vore interdipendent tra di lôr. La vite di une no sarès pussibile cence la vite di chê altre!

Cuant che lis speciis a otegnin vantaçs compagns de interazion reciproche, si fevele di mutualisim: un esempli tipic al è la aleance tra plantis e insets che si nudrissin dal netar produsût des rosis contribuint ae impolinazion. Ma la solidarietât tra lis speciis e pues vê diviers aspiets: ognidune e met sul plat de vite comunitarie lis sôs capacitâts miôr. I retii a àn imparât a ricognossi i riclams di alarme dai uciei.

Lis joint venture di predadôrs, ognidun cu la sô tecniche di cjace. I parasits de piel che, tant a son fastidiôs pai pachidermis, tant a son bogns pai uciei che le netin. I cuarps grandons dai cjans di mâr che a fasin di taxi par pes pilotis mugnestris.

La rêt di scambis, plui o mancul interessâts, convenients pai nemâi, e fâs part dal grant sisteme di interconession clamade ecologjie.

JOINT VENTURE

La coalizion di cjace tra la cernie pavon ( Cephalopholis argus) e la murene cu la bocje blancje ( Gymnothorax meleagris). Par convinci lis murenis a cjaçâ insiemi, lis cerniis a doprin segnâi visîfs: lis fasin saltâ fûr des lôr tanis menant il cjâf, fin che ur van daûr. Cuant che a cjacin insiemi te bariere coraline, lis dôs speciis a cumbinin lis lôr tecnichis diferentis: la cernie si ferme su la jentrade, par che la prede no jessi fûr, intant che la murene e jentre te tane. In cheste maniere la prede no pues scjampâ, sì che ducj i doi i pes a gjoldin di un plui grant sucès predatori.

COSCJ E BENEFICIS

Cuant che o cjalìn l’altruisim intal mont animâl cu la nestre prospetive umane, si riscje di calcolâ i compuartaments des bestiis tant che chei dal om, e di interpretâju cun significâts morâi.

Invezit, un biolic che al cjale la belance dal compuartament, al calcole che e sedi pardabon altruistiche dome une azion dulà che i coscj a son plui dai beneficis. In cualchi specie a son individuis che a somein fâ sieltis radicâls, par esempli, rinunziâ a riprodusisi, o sacrificâ la lôr vite.  Parcè lu fasino?
E je la domande che si è fat Charles Darwin sui rûi sociâi diferents che, intes coloniis dai insets, a determinin la esistence dai singui individuis:

'heste dificoltât, ancje se è pâr insuperabile, e je diminuide, o, come che o pensi, e sparìs, cuant che si visisi che la selezion si pues aplicâle ae famee tant che al individui, e cussì si pues rivâ al fin volût'.

C. Darwin, L'origine della specie, 1859

Duncje, al somee che la clâf par capî i compuartaments altruistics e sedi tal patrimoni gjenetic condividût tra parincj.

Ma si puedial slargjâ il concet di famee ancje a grups di individuis che no son imparintâts a strent tra lôr, ma che a son istès unîts?

Se o imagjinìn une situazion dulà che intune specie a son tancj grups che a competin tra di lôr pes risorsis, al conven jessi altruiscj dentri dal grup, colaborâ e judâsi un cun chel altri. Cheste teorie, cognossude tant che “selezion di grup”, e pues sclarî lis formis di altruisim plui radicâls, vâl a dî, chês che si esprimin fûr de famee.

JUDÂ TAL NÎT

In tantis speciis di uciei e di mamifars, cualchi individui al rinunzie ae riproduzion, o le ritarde di cualchi an, par judâ i gjenitôrs a tirâ sù i fradis, puartant mangjative e difindint i piçui dai predadôrs. La sielte di judâ in cheste forme, e pues dipendi de cualitât dal ambient e de disponibilitât di partners riprodutîfs: se no ‘nd è, al pues jessi plui convenient garantî la sorevivence dai fradis che cun lôr l’individui al condivît il 50% dal so patrimoni gjenetic.

IL MISTERI DES EMOZIONS

Dut câs, la cooperazion e la reciprocitât no sclarissin ducj i fenomens di altruisim che a son te nature. Al è alc che al somee lâ cuintri de logjiche dal oportunisim e dai leams tra familiârs.

I sienziâts a àn elaboradis teoriis evoluzionistichis gnovis che a interpretin la selezion naturâl in mût plui complès, analizant plui fatôrs. Un di chescj, par sclarî il significât dai compuartaments altruistics, al è la empatie: une partecipazion emotive che e permet ai nemâi sociâi di superâ il calcul frêt dai coscj e dai beneficis des lôr azions, e che si palese ancje tra individuis di speciis diferentis.

La empatie – la capacitât di ricognossi l’umôr di chel altri e di metisi tal so puest – in cualchi bestie e permet azions di altruisim disinteressât che no je plui une prerogative dome dai oms. Socori cui che al è in dificoltât, consolâ cui che al à un moment dificil, fintremai vaî i siei muarts, come che a fasin i elefants, a son ducj compuartaments che si viodin tal mont des bestiis.

Chestis reazions aes cundizions dai lôr simii a podaressin someâ misteriosis o cence spiegazions, se nol fos che a son il spieli precîs di ce che o fasìn nô oms.

AMICIZIE O CJOCOLATE?

Lis pantianis, cuant che a viodin une di lôr impresonade, a patissin stress. I esperiments di laboratori fats su la nature empatiche dai lôr compuartaments, a àn dimostrât che chescj roseadôrs a àn miôr liberâ il lôr simil e condividi cun lui un toc di cjocolate, pitost che tignîsi dute la mangjative par se, cuntun “grop jù pal cuel”.

CETANT CHE SI JERIN ODEÂTS

Tra i simpanzè ( Pan troglodytes), dopo di un conflit tra doi individuis, in tancj câs, chei altris components dal grup a van a consolâ cun bussadis e cjarecis cui che le à vude piês. Nol è ancjemò no dal dut clâr parcè che invezit no decidin di complimentâsi cul vincidôr, une sielte che par lôr al sarès un vantaç plui grant. Ancje i protagoniscj dai combatiments, finît il scuintri, dispès a cirin di fâ la pâs cun azions cuasi di afiet. Cuant che no lu fasin di bessôi, e je une femine a fâ di mediatore. Chescj compuartaments a tornin a puartâ la armonie e a contribuissin al benstâ di dut il grup.

IL NEMÌ DAL GNO NEMÌ AL È GNO AMÌ

Lis balenis grandis ( Megaptera novaeangliae) a difindin altris speciis marinis dai atacs des orchis (Orcinus orca) disturbant lis lôr manovris di cjace. Nol è clâr parcè che si esponin ae pussibilitât di fâsi mâl e parcè che a impegnin cetante energjie par difindi altris cetacis, pinipedis e pes lune ( Mola mola L.). O forsit il lôr obietîf isal dome chel di fâ dam a un dai lôr plui grancj nemîs? Di fat, se lis orchis a stentin a copâ une balene grande adulte, ur è facil invezit frontâ i lôr piçui.

LA SCUVIERTE NO SI FERME

Une mostre e je une oportunitât par esplorâ argoments gnûfs e par stimolâ la curiositât. Ma nol è dome chest.

E je ancje une ocasion uniche par aprofondî. E pues deventâ un imprest fondamentâl par cjapâ sù dâts verificabii e inzornâts e, infin, e pues contribuî a disvilupâ gnovis cognossincis, cjapant dentri – midiant libris e materiâi divulgatîfs – letôrs di dutis lis etâts e nivei di cognossince. In chest procès, il Museu al à un rûl fondamentâl e, in colaborazion cun cui che si dediche ae ricercje e ae sô difusion, al pues ufrî ideis preziosis. Di fat, lei e pensâ a son azions semplicis, ma a puedin produsi mudaments profonts, parcè che la cognossince e cres cuant che si le condivît.

Selezione di letture scientifiche e testi di riferimento che hanno ispirato la mostra

EMPATIE

• Ben-Ami Bartal I., Decety J., Mason P. 2011 - Empathy and Pro-Social Behavior in Rats, Science, 34(6061): 1427-1430.  Link
• De Waal F.B. M. 2008 - Putting the Altruism Back into Altruism: The Evolution of Empathy, Annual Review of Psychology, 59: 279-300.  Link
• De Waal F.B. M., Aureli F. 1999 - La risoluzione dei conflitti nei primati, in Enciclopedia Treccani, Frontiere della Vita.  Link
• Frank E.T., Wehrhahn M., Linsenmair K. E. 2018 - Wound treatment and selective help in a termite-hunting ant, Proceedings of the Royal Society. Biological sciences, 285(1872): 20172457.  Link
• Miralles A., Raymond M., Lecointre G. 2019 - Empathy and compassion toward other species decrease with evolutionary divergence time, Scientific Reports, 9: 19555.  Link
• Pérez-Manrique A., Gomila A. 2018 - The comparative study of empathy: sympathetic concern and empathic perspective-taking in non-human animals, Biological Reviews. Cambridge Philosophical Society, 93(1): 248-269.  Link
• Zahn-Waxler C., Hollenbeck B., Radke-Yarro M. 1984 - The Origins of Empathy and Altruism, in Fox M. W., Mickley L. D. (eds), A dvances in animal welfare science 1984/85, Washington DC, The Humane Society of the United States: 21-41.  Link

ALTRUISIM

• Dunbar R. 1991 - Functional Significance of Social Grooming in Primates, Folia Primatologica, 57(3): 121-131. Link
• Nazzi F., Vianello A. (eds) 2018 - L'altruismo. Competizione e cooperazione dalla biologia all'economia, dalla filosofia alle neuroscienze, Quaderni di Aperture. Idee, scienza e cultura, Udine, Forum Edizioni. Link
• Picard A., Mundry R., Auersperg A., Boeving E., Boucherie P., Bugnyar T., Dufour V., Emery N., Federspiel I., Gajdon G., Guéry J.-P., Hegedič M., Horn L., Kavanagh E., Lambert M., Massen J., Rodrigues M., Schiestl M., Schwing R., Szabo B., Taylor A., van Horik J., von Bayern A., Seed A., Slocombe K. 2019 - Why preen others? Predictors of allopreening in parrots and corvids and comparisons to grooming in great apes, Ethology, 126: 10.1111/eth.12999. Link
• Pievani T. 2010 - Biologia dell’altruismo, Micromega, Almanacco della scienza, 7: 45-63. Link
• Pitman R. L., Volker B. D., Gabriele C. M., Srinivasan M., Black N., Denkinger J., Durban J. W., Mathews E. A., Matkin D. R., Neilson J. L., Schulman-Janiger A., Shearwater D., Stap P., Ternullo R. 2017 - Humpback whales interfering when mammal-eating killer whales attack other species: Mobbing behavior and interspecific altruism?, Marine Mammal Science, 33: 7-58. Link
• Strassmann J. E.,  Zhu Y., Queller D. C. 2000 - Altruism and social cheating in the social amoeba Dictyostelium discoideum, Nature 408(6815): 965-967. Link
• Carter G. G., Wilkinson G. S. 2015 - Social benefits of non-kin food sharing by female vampire bats, Proceedings of the Royal Society, Biological sciences, 282: 20152524. Link
• Carzon P., Delfour F., Dudzinski K., Oremus M., Clua É. 2019 - Cross-genus adoption in delphinids: One example with taxonomic discussion, Ethnology, 125(9): 669-676. Link
• González-Forero M., Peña J. 2021 - Eusociality through conflict dissolution, Proceedings of the Royal Society. Biological sciences, 288: 20210386. Link
• Mittal D., Chakrabarti S., Khambda S. B., Bump J. K. 2020 - Spots and manes: the curious case of foster care between two competing felids, Ecosphere Naturalist, 11(2): e03047. Link
• Razik I., Brown B. K. G., Page R. A., Carter G. G. 2021 - Non-kin adoption in the common vampire bat, Royal Society Open Science, 8: 201927. Link
• Rosenbaum S., Gettler L. T. 2018 - With a little help from her friends (and family) part I: the ecology and evolution of non-maternal care in mammals, Physiology & Behavior, 193(part A): 1-11. Link
• Scornavacca D., Cotza A., Lovari S., Ferretti F. 2018 - Suckling behaviour and allonursing in the Apennine chamois, Ethology Ecology & Evolution, 30(5): 1-14. Link
• Wilson A. D. M., Krause J. 2013 - Repeated Non-Agonistic Interactions Between a Bottlenose Dolphin (Tursiops truncatus) and Sperm Whales (Physeter macrocephalus) in Azorean Waters, Aquatic Mammals, 39(1): 89-96. Link

COOPERAZION

• Blumstein D. T. 2007 - The Evolution. Function and Meaning of Marmot Alarm Communication, Advances in the Study of Behavior, 37: 371-401. Link
• Clutton-Brock T., O`Riain J. M., Brotherton P., Gaynor D., Kansky R., Griffin A., Manser M. 1999 - Selfish sentinels in cooperative mammals, Science, 284(5420): 1640-1644. Link
• Fontana A., Vinci G., Ronchi L., Mocchiutti A., Muscio G., Visentini P., Bassetti M., Novellino M. D., Badino F., Musina G., Bonomi S.  2023 - The largest prehistoric mound in Europe is the Bronze-Age Hill of Udine (Italy) and legend linked its origin to Attila the Hun, Scientific Report, 13(1): 8848. Link
• Kropotkin P. 2020 - Il mutuo appoggio. Un fattore dell’evoluzione, Milano, elèuthera (trad. it., Mutual Aid. A factor of evolution, 1902, New York, McClure Phillips & Co.). Link
• Lenti Boero D. E. 1992 - Alarm calling in Alpine marmot (Marmota marmota L.): evidence for semantic communication, Ethology Ecology & Evolution, 4(2): 125-138. Link
• Vail A. L., Manica A., Bshary R. 2013 - Referential gestures in fish collaborative hunting, Nature Communications, 4(1): 1765. Link
• Vinci G., Vanzani F. 2025 - Bronze Age monumental earthworks of the Friuli plain (NE Italy): from LiDAR-based morphometric analysis to the reconstruction of settlement patterns and organisation, Archaeological and Anthropological Sciences, 17: 19. Link
• Visentini P. (ed.) 2023 - Archeologia Urbana a Udine. Contributi per una rilettura dei dati provenienti dal colle del Castello, Udine, Comune di Udine, Edizioni del Museo Friulano di Storia Naturale, 58, 398 p. Link
• Visentini P. (ed.) 2024 - Archeologia Urbana a Udine, Udine, Comune di Udine, Pubblicazioni varie del Museo Friulano di Storia Naturale, 76, 416 p. Link

Proposte di letture, a cura della libreria CLUF di Udine, dedicate all’esplorazione di tematiche laterali a quelle trattate nella mostra “Cooperare e distinguersi”

COOPERAZION

• Emanuela Borgnino, Ecologie native, elèuthera, 2022
• Michael Tomasello, Altruisti nati, Bollati Boringhieri, n. ed. 2025
• Vittorio Lingiardi, Io, tu, noi, Utet, 2019
• Aldo Bonomi (a cura di), Sul confine del margine. Tracce di comunità in itinere, Derive Approdi, 2024
• Adele Clarke, Donna Haraway, Making Kin. Fare parentele, non popolazioni, Derive Approdi, 2022
• Adriana Giannini, Lynn Margulis, La scoperta dell’evoluzione come cooperazione, L’Asino d’oro, 2021
• Stefano Bocchi, L’ospite imperfetto, Carocci, 2021
• Tim Ingold, Siamo linee, Treccani, n. ed. 2024
• Frédéric Maupomé, Muri, Nomos, 2025
• Mac Barnett illustrato da Jon Klassen, Sam e Dave scavano una buca, Terre di Mezzo, rist. 2023
• Marcos Farina, Io, tu e gli altri, Ukids, 2025
• Satomi Ichikawa, Amici, Orecchio Acerbo, 2023
• Anne Jankéliowitch, Isabelle Simler, Regni minuscoli, 2022

CREAZIONE

• Francesco Faccin, Zattere, Corraini, 2024
• Elena Granata, Placemaker, Einaudi, 2021
• Pedro Torrijos, Territori improbabili, Saggiatore, 2024
• Dan Nott, Sistemi nascosti, Quinto Quarto, 2024
• Andrea Staid, Dare forme al mondo, Utet, 2025
• Tim Ingold, Making, R. Cortina, 2019
• Rompere le regole, Utet, 2019
• Bruno Munari, Pensare confonde le idee, Corraini, 2023
• Michele De Lucchi, L’architetto, Corraini, 2024
• Cruschiform, L’odissea dei semi, L’Ippocampo, 2024
• Isabelle Simler, Casa, L’Ippocampo, 2023
• Francesco Spampinato, Irene Rinaldi, Facciamo presente, Topipittori, 2025
• Emmanuelle Figueras, Claire De Gastold, Animali tuttofare, L’Ippocampo, 2022
• Guia Risari, Alessandro Sanna, La Terra respira, Lapis, 2022
• Julie Bernard, Il banchiere di semi, Terre di Mezzo, 2024
• Aude Le Pichon, Arnaud Nebbache, Da capogiro, Donzelli, 2024
• Judith Schlansky, Inventario di alcune cose perdute, Nottetempo, 2020

EVOLUZION

• Rebecca Solnit, Storia del camminare, Ponte alle Grazie, 2022
• David Quammen, L’evoluzionista riluttante, R. Cortina, 2025
• Sean B. Carroll, Una serie di fortunati eventi, Codice ed., 2022
• Gabriele Ferrari, Polvere e ossa, Codice ed., 2023
• Stephen Jay Gould, Questa idea della vita, Codice ed., 2022
• Marco Ferrari, L’evoluzione è ovunque, Codice ed., 2021
• Christiane Vadnais, Faune, Codice ed., 2023
• Henry Bergson, L’evoluzione creatrice, Bur Rizzoli, rist. 2025
• Mauro Garofalo, La tigre e l’usignolo, Nottetempo, 2025
• Stephen Jay Gould, Il pollice del panda, Saggiatore, 2016
• Giorgio Manzi, Antenati, Il Mulino, 2024
• Fabien Grolleau, Thomas Brochard-Castex, Grande oceano, Add ed., 2023
• Nicoby Vincent Zabus, Il mondo di Sofia, Longanesi, 2022
• Roberta Ragona Tostoini, Fossili viventi, Aboca kids, 2025
• Serenella Quarello, Alessio Alcini, Estintopedia, Camelozampa, rist. 2024
• Aina Bestard, Paesaggi perduti della Terra, L’Ippocampo, 2020
• Anna Claybourne, Wesley Rbins, Meravigliosa evoluzione, Editoriale Scienza, 2020
• Desmond Morris, La scimmietta nuda, Bompiani, 2025
• Neil Packer, Unico nel suo genere, Camelozampa, 2022
• David Graeber, David Wengrow, L’alba di tutto, Bur Rizzoli, rist. 2025
•  Ingannare il tempo. Bruno Munari archeologo, Corraini, 2024

INTERCONESSIONS

• Venezia e l’Antropocene, Wetlands, 2022
• Serge Latouche, Il disastro urbano e la crisi dell’arte contemporanea, elèuthera, 2025
• Fred Bodsworth, L’ultimo dei chiurli, Adelphi, 2025
• Anna Marson, Antonella Tarpino, Sguardi sul paesaggio, Manifestolibri, 2025
• Niccolò Scaffai, Sotto l’inesauribile superficie delle cose, Aboca, 2025
• Marco Deriu, Rigenerazione, Castelvecchi, 2022
• Donna Haraway, Chthulucene, Nero ed., 2023
• Tim Ingold, Il futuro alle spalle, Meltemi, 2024
• Andrea Staid, Essere natura, Utet, 2022
• Valentina Gottardi, Lumen, Cocaibooks, 2024
• Adriano Favole, Vie di fuga, Utet, 2021

UMANITÀ E NATURA

• Long Litt Woon, La via del bosco, Iperborea, 2023
• Alberto Moravia, Storie della preistoria, Bompiani, 2017
• Giorgio Vallortigara, Pensieri della mosca con la testa storta, Adelphi, 2021
• Giorgio Vallortigara, Altre menti, Il Mulino, 2000
• Giorgio Vallortigara, Cervello di gallina, Bollati Boringhieri, 2024
• Sy Montgomery, Il tempo delle tartarughe, Aboca, 2025
• Paco Calvo, Planta Sapiens, Saggiatore, 2022
• Francesca Buoninconti, Senti chi parla, Codice ed., 2021
• Nicholas P. Money, Natura veloce, natura lenta, Codice ed., 2022
• Eva Meijer, Linguaggi animali, Nottetempo, 2021
• Emmanuelle Pouydebat, Quando gli animali e le piante ci ispirano, Espress, 2021
• Emmanuelle Pouydebat, L’intelligenza animale, Corbaccio, 2018
• Telmo Pievani, La natura è più grande di noi, Solferino, 2022
•  Umani e non umani. Noi siamo natura, Utet, 2024
• Aimee Nezhukumatathil, Un mondo di meraviglie, Nottetempo, 2024
• Francesco Remotti, Fare umanità, Laterza, 2013
• Nat Cardozo, Origine, L’Ippocampo 2023

OLTRE LE BARRIERE

• Bell Hooks, Scrivere oltre la razza, Saggiatore, 2024
• Alexis Pauline Gumbs, Undrowed, Timeo, 2023
• Lorraine Daston, Contro natura, Timeo, 2024
• Lino Leonardi, Razza, Il Mulino, 2024
• Mirella Orsi, Sergio Ferraris (a cura di), Prime. Dieci scienziate per l’ambiente, Codice ed., 2023
• Guido Barbujani, L’alba della storia, Laterza, 2024
• Jackie Higgins, Senzienti, Longanesi, 2025
• Tim Ingold, Antropologia, Meltemi, 2020
• Nicole Shukin, Capitale animale, Tamu, 2023
• Annalisa Strada, Mary Anning, La cacciatrice di fossili, Editoriale scienza, 2025
• Cristina Petit, Qualcosa che c’entra con la felicità, Pulce, 2021
• Issa Watanabe, Migranti, Logos, 2023
• Federica Buglioni, Alfabeti naturali, Topipittori, 2023
• La biblioteca degli animali di Tatsu Nagata, L’elefante, Nomos, 2025
• La biblioteca degli animali di Tatsu Nagata, L’ape, Nomos, 2025
• Rosie Haing, Noi animali umani, Donzelli, 2022
• Chiara Grasso, Una famiglia bestiale, Macadamia, 2024