A 70 agns de sô fondazion, l’Ort botanic furlan al è deventât di competence dal Museu Furlan di Storie Naturâl. In chest moment si è daûr a preparâ i diviers setôrs (habitats) dal Ort, cul obietîf di fâju doprâ massime aes scuelis. I prins habitats za prontâts a son ilprât stabile ilpalût torbere.
Lis funzions dal Ort botanic furlan a son:
- divulgazion sientifiche e supuart aes scuelis
- conservazion ex situ di speciis raris
- ricercje sientifiche.
Nol è mancul impuartant il rûl di cheste struture tant che pont di incuintri dulà davuelzi ativitâts culturâls in sens larc, come conferencis, concierts musicâi, e v.i.
Inte Alte planure furlane e intes areis morenichis, caraterizadis di terens glereôs puars di nutritîfs, si puedin formâ pradariis magris, clamadis propit magrêts o prâts magris. Si puedin cognossi dôs tipologjiis fondamentâls: i magrêts primitîfs e chei evolûts. Imagrêts primitîfsa son pradariis discontinuis, dulà che si viôt une vegjetazion di stepe. Imagrêts evolûtso prâts stabii, invezit, a son caraterizâts di un contignût di nutritîfs plui grant tal teren e di un strât di jerbe omogjeni e continui. A son tra i habitats furlans plui siôrs di speciis vegjetâls e a vegnin mantignûts ancje in graciis dal seâ e dal pasc.
Dulà che la alte e la basse planure si cjatin, si forme une fasse di risultivis, par vie des variazions de permeabilitât che a fasin tornâ sù lis aghis di sot tiere. Chi e reste cualchi aree umide di valôr naturalistic grant che e je cetant siore di speciis vegjetâls raris, ancje se e je stade ridote par vie des bonifichis. La vegjetazion di chestis areis umidis e cambie daûr des cundizions ecologjichis, che a son simpri caraterizadis di une grande disponibilitât di aghe. Si va des areis di torbere culSchoenus nigricans(Giunco nero), dulà che si cognossin lisArmeria helodes(Spillone palustre) edErucastrum palustre(Erucastro friulano), ai carecêts igrofils in areis di palût cunCarex elata(Carice elevata) fin aes pradariis umidis aMolinia caerulea(Gramigna liscia) e aes cisis ripariâls.
Il cjamp coltivât cun pirefare (Triticum monococcum) al rapresente un esempli di cemût che al veve di jessi un cjamp di cereâi intal Neolitic (plui o mancul 7 mil agns indaûr). Chestis plantis vuê a son clamadis archeofitis, cun riferiment ae lôr introduzion antighe intal nestri teritori dal Medi Orient cu la difusion de agriculture. A jerin culturis di gjenar estensîf, dulà che la presince di plantis “infestantis" e jere costante. Chestis plantis erbaciis a son anuâls, cuntun cicli vegjetatîf simil a chel des culturis, e duncje di norme difondudis ogni an dilunc des seminis gnovis. Intai nestris cjamps a son sparidis cuasi dapardut, massime par vie dal ûs di pesticidis. Si puedin osservâ par esempliCentaurea cyanus(Barburice) eAgrostemma githago(Cocul).
Via Cecilia Gradenigo Sabbadini
22-32, 33100 Udine
Cemût rivâ al museu
0432 1273211
Copyright © 2026 Comune di Udine - Museo Friulano di Storia Naturale. All Rights Reserved - Credits
Privacy Policy - Cookie Policy
IT 
DE 
FR 
EN 